• ОП «Мектепке дейінгі тәрбие мен оқытудың заманауи тәсілдері»;

Тәрбиелік ортаны қалыптастырудың психологиялық-педагогикалық негіздерімен үйлескен шығармашылық және зияткерлік қабілеттерді дамытуға бағытталған әдістер мен тәсілдер, сондай-ақ цифрлық технологиялар мен жасанды интеллект құралдарын қолдану мектепке дейінгі ұйымдарда әрбір баланың әлеуетін айқындау мен дамытуға жаңа мүмкіндіктер береді. Бұл тәсілдер баланың мықты жақтары мен бірегей қабілеттерін мақсатты түрде қолдауға және жетілдіруге жағдай жасайды. «Мектепке дейінгі тәрбие мен оқытудың заманауи әдістемелік тәсілдері» біліктілікті арттыру курсының білім беру бағдарламасы (бұдан әрі – Бағдарлама) мектепке дейінгі тәрбие мен оқыту саласындағы білім беру нәтижелеріне қойылатын талаптарға, мемлекеттік жалпыға міндетті білім беру стандартына, педагогтердің кәсіптік стандарттарына, сондай-ақ Қазақстан Республикасында білім беруді дамытудың 2023–2029 жылдарға арналған тұжырымдамасына сәйкес әзірленген. Бағдарлама педагогтердің кәсіби қызметі арқылы баланың жан-жақты дамуын қамтамасыз етуге, оның эмоционалдық және моральдық дамуына, қарапайым мінез-құлық нормалары мен әлеуметтік өзара әрекеттесу құндылықтары мен дағдыларын қалыптастыруға бағытталған.

1-модуль. Мектепке дейінгі білім берудің тұжырымдамалық, нормативтік және құқықтық негіздері
2-модуль. Мектепке дейінгі ұйымдарда тәрбиені ұйымдастырудың заманауи тұжырымдамалық негіздері
3-модуль. Мектепке дейінгі білім берудегі заманауи әдістемелік тәсілдер
4-модуль. Педагогтердің IT-құзыреттілігін және цифрлық сауаттылығын дамыту